Latest News

Engineers' Day hmanpui

Mizoram Engineering Service Association (MESA) chuan nimin khan a vawi khatna atan Aijal Club (Cabe Hall)-ah Engineers 'Day lawmna an nei a, he hun hi Assembly Deputy Speaker Er. Lalrinawma chuan hmanpuiin Engineer te chu ram hmasawnna kutkentu ber an nih thu a sawi a, “Engineer te thiamna tel lovin hmasawnna ruahman leh hnathawh hi a kal thei lova, inkal-pawhna, tui, eng leh hmasawnna hna dang tam tak hi an tel lovin a thawh theih loh a ni,” tiin he huna kalkhawm Engineer te chu ram leh hnam hmasawn nan an thinlung leh ngaihtuahna zawng zawng nen theihtawp chhuahin hna thawk zel turin a fuih a ni.

Kum 55 kalta ah khan Sawrkar Laipui chuan India Engineer hmasa berte zing a mi leh Engineer lar tak, kum 1860 a piang M. Visvesvaraya hnathawh hriatreng nan a piancham, September ni 15 chu Engineers' Day atan hman turin a rel a, M. Visvesvaraya hian ber Bharat Ratna pawh dawngin kum 102 mi niin 1962 ah a boral a ni.

Comments

Popular News (Last 30 Days)