Niminpiah-a COVID-19 hri kai 91 hmuh belh leh

Niminpiah khan Mizoram-ah COVID-19 hrikai mi 91 hmuh belh leh an ni.

Mizoram-ah niminpiah khan Sample enfiah 703 lai awm lehin heng atang hian COVID-19 hri kai mi 91 te hi hmuh an ni a, Sample enfiah atanga chhutin za zela 12.94 te chuan hri an kai a, hri kai hmuh te hi Aizawl District-ah 19, Saitual District-ah 18, Serchhip District-ah 16, Lunglei District-ah 15, Mamit District-ah 10, Champhai leh Khawzawl District-ah mi 5 ve ve bakah Siaha, Lawngtlai leh Hnahthial District-ah mi pakhat theuh te an ni.

Nimin khan District tinah hri kai enkawl dam awmin mi 65 te enkawl dam an ni a, nimin tlai thlenga Mizoram-a hri kai hmuh tawh chu 2,37,846 niin an zinga 2,36,868 te chu enkawl dam an ni tawh a, hri kai zinga za zela 99.59 te enkawl dam ni tawhin hri kai enkawllai 256 an la awm a, hri kai zingah mi 722 an boral tawh a ni.