Latest News

Serchhip-ah Mizo infiamna hmanga inelna neih tan a ni

Image
Serchhip Sub-Hqrs. YMA huamchhunga YMA Branch hrang hrangte Mizo Infiamna chi hrang hrang hmanga an inelna tur, ‘Aizawl DD Mizoram Indigenous Games 2024 (Inter-Branch YMA Competition, Serchhip District)’ chu nimin khan Serchhip P&E Veng-a Leisekawt Mual-ah neih tan niin Vawiin hian zawhfel a ni ang.

Hmar Veng FC Women Team an champion

Serchhip District Women Football Championship-2022 nimin-a khelh zawh takah Hmar Veng FC chuan Vengchung FC chu 3-2 a hnehin an champion ta.

Serchhip District Football Association (SDFA) buatsaih Serchhip Sports Complex-a Women Football Championship hi nimin khan Final khela zawhfel a ni a, Final-ah  hian Vengchung FC leh Hmar Veng FC te an inhmachhawn a, minute 17-na ah Kawlzikpuii chuan Vengchung FC tan goal khung hmasa in Deborah Lalenpuii chuan minute 25-na ah Hmar Veng FC tan goal khungin an si phurh hi an sut a, Vanlalduati chuan Hmar Veng FC tan minute 46-na ah goal khungin hma an hruai ve leh a,  Vengchung FC tan minute 58-ah Malsawmkimi chuan Penalty atangin an si phurh a sut ve leh a, Deborah Lalenpuii bawkin Hmar Veng FC tan minute 60-na ah goal khung lehin hma an hruai ve leh a, hei hi Vengchung FC hian an sut theih tak loh avangin 3-2 in Hmar Veng FC te hi an chak a, an champion zui ta a ni.

He Championship-a Champion Team Hmar Veng FC hian Rs. 10,000/- dawngin pahnihna Vengchung FC hian Rs. 5000/- an dawng bawk a. Tun tum Championship-ah hian Team 7 telin match 12 khelh a ni a, Goal 30 lutin Hmar Veng FC tana goal 5 khungtu Deborah Lalenpuii chu Top Scorer niin Rs. 500/- leh Certificate a dawng a, Vengchung FC Player Lalnuntluangi chu Best Player-ah thlan niin Rs. 500/- leh Certificate a dawng bawk a, Vengchung FC in Fair Play lawmman Rs. 1000/- an dawng bawk a ni.

Comments

Popular News (Last 30 Days)