Health Minister in Community Based HIV Screening Programme a hawng

Zonuna Kawlni /

HIV hrik kai awlsam tura ngaih, High Risk Group ten awlsam zawka HIV test an neih theih nana ruahman ‘Community Based HIV Screening Programme’ chu nimin khan Health Minister Dr. R. Lalthangliana chuan a hawng.

SAD Conference Hall Aizawl-a he Programme hawnna hunah hian Health Minister Dr. R. Lalthangliana chuan HIV/AIDS chu tanrualna nen hneh theih a ni tih sawiin, hripui leng COVID-19 dona kawngah Mizoram mipui zawng zawngte kan tanrual ang khan HIV/AIDS dona kawngah pawh hian inlungrual leh beidawng duh lova kan do tlan chuan chhiatna lian tham zawk kan pumpelh thei tih a sawi a. Health Department leh MSACS ringawt chuan HIV/AIDS pungchho mek zel hi a ti ziaawm thei dawn lo tih pawh sawiin, Mizoram-ah he natna tihbaiawm tak hian tlem lam a pan theih loh chhanah mitin ten mawh kan phur a ni, a ti bawk.

He hunah hian he hmalakna a thawhdunna tur hian ZMC Director Dr. Zohmingthanga leh India Care, New Delhi-a Country Programme Director Dr. V.Sam Prasad te chuan MoU an ziak a, ZMC leh India Cares ten MOU an sign hian HIV/AIDS dona kawngah rah tha a chhuah ngei a beisei thu Health Minister Dr. R. Lalthangliana chuan a sawi bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »