COVID-19 hri kai mi 54 hmuh belh leh an ni

Niminpiah khan Mizoram-ah COVID-19 hri kai hmuhchhuah pung leh hretin hri kai mi 54 lai hmuh leh an ni.

Niminpiah khan Mizoram District hrang hrang atangin Sample 393 enfiah leh niin heng atang hian hrikai mi 54 te hi hmuh an ni a, Sample enfiah atanga chhutin za zela 13.74 te chuan hri an kai a ni. Niminpiah a Sample enfiah te hi Rapid Antigen Test hmanga Sample enfiah vek niin hri kai hmuhchhuah te hi Aizawl leh Khawzawl District-ah 15 ve ve, Saitual District-ah 11, Mamit District-ah 7, Champhai District-ah 5 leh Hnahthial District-ah mi pakhat te an ni.

Nimin khan Mizoram District 7 atangin COVID-19 hri kai mi 37 te anmahni enkawlna hmun atanga chhuahtir an ni ve leh a. Heti hian nimin tlai thleng khan Mizoram-a COVID-19 hri kai hmuh tawh chu 2,38,358 niin an zinga 2,37,460 te chu enkawl dam an ni tawh a, hri kai zinga za zela 99.62 te enkawl dam ni tawhin hri kai enkawllai 175 an la awm a, hri kai zingah mi 723 an boral tawh bawk a ni.

Comments

Popular posts from this blog

Tukverh-a tlasual boral