Digital Weighbridge bunna tur Minister in a endik

Food, Civil Supplies & Consumer Affairs Minister K. Lalrinliana chuan Govt. Muanna Godown, Zuangtui-a Digital Weighbridge (Lirthei in an thil phurh rih zawng bukna) bunna tur chu nimin khan a endik.

Nimin a helai hmun a endikna ah hian Supply Minister chuan Zuangtui kudam a weighbridge hmanlai kum 2020 April thlaa a chhiat khan khawl thar leh tha zawk, hman nuam leh awlsam Digital Weighbridge a thlak tumin ruahmanna an siam thu leh COVID-19 hripui leng avangin harsatna an tawh thu sawiin, “Kan duh aiin kan inpeih har ta a ni,” a ti a. Zuangtui a Supply kudam chu hmun dangah sawnchhuah tum a nih thu leh a hmun tur pawh tihfel thuai a nih a beiseiawm tawh tih a sawi a ni.

Supply Minister chuan retailer te hnenah buhfai bukna tur Electronic Weighing Scale pek vek an nih thu sawiin, Retailer thenkhat patla pangngai hmang thin an awm bakah buhfai buk lem lova suak thin an awm tih report an dawn thu a sawi a, heng hi sawrkarin a ngai thutak hle tih sawiin, Electronic Weighing Scale an kawl lai a chhia emaw, hman tlak loh a nih chuan Supply Department hotute hnenah hriattir vat tur a ni, a ti a. Dan lo anga buhfai buk an awm tih finfiah a nih chuan na taka hremna lek a nih tur thu sawiin, mipuite pawhin an chanvo dik tak an chan theihna tur a ni tih hriaa dik lo taka tite chu report thin turin a chah a ni.

Ration buhfai mipui hnenah dik taka pekchhuah a nih theih nan FCS&CA Department chuan buhfai phurtu lirthei (truck) chawpa buhfai bukna tha leh awlsam, Digital Weighbridge pahnih (2) chu GMG Zuangtui ah dah turin hma a la a, hemi atan hian sawrkarin SEDP hnuai atangin sum pawh a pe tawh a. Tunhma in GMG Zuangtui-ah hian Weighbridge hi hman a ni reng thin a, April, 2020 atang khan Weighbridge hman lai chu a chhiat tak hlauh avangin a hman theih ta lova, hemi avang hian a thar dang dah leh vat tura hmalak a ni. GMG Zuangtui-ah hian a tirah Digital Weighbridge 60 MT capacity pahnih (2) dah tum a nih laiin a hmunhma hi a chep deuh avang leh mamawhna a awm ve tho avangin Weighbridge pakhat zawk hi PDC, Luangmual, Lunglei-ah dah ve tura ruahman a ni ta zawk a ni.

Weighbridges te hi Leotronic Scale Private Limited, Amritsar, Punjab ten an rawn supply a, Weighbridge pahnih (2) man bik Rs. 21,68,840/- atang hian 95% pek tawh niin a bak 5% hi Weighbridge hawn a nih hnuah pek leh tura inrem a ni. Installation, Electrification, Maintenance etc. te pawh an rawn thawk vek dawn bawk a, hemi atan hian Weighbridge man bak sum dah sa a ni a. Tunah hian Civil Foundation leh Control Room te peih ni tawhin Company hotute chuan tun thla chhung ngeiin khawl an rawn bun (installation) tur thu a sawi a ni.

Comments

Popular posts from this blog

Volleyball S/F khel dawn