COVID-19 hri kai enkawllai mi 184 la awm mek

/

Nimin tlai thleng khan Mizoram-ah COVID-19 hri kai enkawllai mi 184 an la awm.

Pathianni khan Mizoram-ah Sample 101 enfiah niin heng atang hian COVID-19 hri kai mi 8 hmuh an ni a, Sample enfiah te atanga chhutin za zela 7.92 te chuan hri an kai a ni. Pathianni-a Sample enfiah te hi Rapid Antigen Test hmanga enfiah te vek niin hri kai hmuh te hi Lunglei District-ah 5, Aizawl District-ah pahnih leh Saitual District-ah mi pakhat te an ni.

Nimin khan Mizoram District 6 atangin COVID-19 hri kai mi 38 chu anmahni enkawlna hmun atanga chhuahtir an ni ve leh a, heti hian nimin tlai thleng khan Mizoram-a COVID-19 hri kai hmuh tawh zat chu 2,38,051 niin an zinga 2,37,145 te chu enkawl dam an ni tawh a, hri kai atanga chhutin za zela 99.62 te enkawl dam ni tawhin hri kai enkawllai mi 184 an la awm a, hri kai zingah mi 722 an boral tawh a ni.

Nimin tlai thleng khan Aizawl District chu hri kai enkawllai tamna ber la niin mi 66 enkawl an la ni a, Lunglei District-ah 28 leh Mamit District-ah 24 ten an dawt a, hri kai enkawllai pakhat chauh nei District 3 la awm bawkin mi 2 enkawllai nei District pakhat an awm bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »