Union Finance Minister kawm

New Delhi-a zin mek Chief Minister Zoramthanga chuan nimin khan Union Finance Minister Nirmala Sitharaman-i chu a pisa-ah hmuin Mizoram sum dinhmun leh thu pawimawh dang hrang hrang an sawidun.

Chief Minister chuan Union Finance Minister hnenah hian Mizoram dinhmun tlangpui sawipuiin, sum lama harsatna neihte a sawipui a. Myanmar buaina avanga raltlan rawn lut leh a kaihhnawih hrang hrang sawipui bawkin, chung zawng zawnga sawrkar laipuiin hmalakpui a mamawhna te a thlen a ni. Finance Minister Nirmala Sitharaman chuan Chief Minister hi tha taka lo dawngsawngin, theihtawp chhuahsak a tum thuin a chhang a. PM-Devine hnuaia Bamboo Link Road Pilot Project leh Scheme dang dang ah Mizoram chu an lo duhsak tawh thin dan leh, State hmasawnna atan theihtawpa tanpui zel a tum tur thu a hrilh a ni.

Chief Minister hian nimin chawhnu khan India Brazil Chamber of Commerce (IBCC) huai-hawtin New Delhi Chanakya Puri Mizoram House-ah Brazilian company lian hotu pawimawh te Mizoram hmasawnna ruhrel dinna leh hriselna kawnga thawhhona awm theih dan tur te sawiin inkawmna a neihpui a, Prime Minister hnena a thu lo thlen tawh bawhzuiin Adviser to Prime Minister Tarun Kumar pawh a kawm bawk.