COVID-19 hri kai enkawllai 186 awm mek

Nimin tlai thleng khan Mizoram-ah COVID-19 hri kai enkawllai mi 186 an la awm.

Niminpiah khan Mizoram-ah Sample 450 enfiah niin heng atang hian COVID-19 hri kai mi 45 hmuh an ni a, Sample enfiah atanga chhutin za zela 10.00 te chuan hri an kai a ni. Heng hri kai hmuhchhuah te hi Rapid Antigen Test hmanga Sample enfiah 449 atanga hmuh vek niin Lunglei-a RT-PCR Laboratory-ah Sample enfiah pakhat awmin hri a kai lo thung. Niminpiah-a hri kai hmuh belh zinga 15 te hi Aizawl District atanga hmuh niin Saitual District-ah 13, Lunglei District-ah 7, Serchhip District-ah 4, Champhai District-ah 3, Khawzawl District-ah 2 leh Mamit District-ah mi pakhat te an ni.

Nimin khan Mizoram District 8 atangin COVID-19 hri kai mi 63 te chu chhuahtir an ni leh a, heti hian nimin tlai thlengin Mizoram-a COVID-19 hri kai hmuh tawh chu 2,38,168 niin an zinga 2,37,259 chu enkawl dam an ni tawh a, hri kai zinga za zela 99.62 te enkawl dam ni tawhin hri kai enkawllai 186 an la awm a, Kolasib leh Hnahthial District-ah enkawllai an awm tawh rih lo a ni. Nimin khan Lunglei-ah hri kai mi pakhat boral lehin hri kai zingah mi 723 an boral ta bawk a ni.