Chanchinbu hi khawtlang inzirtirna leh ram leh hnam humhalh hmanraw tangkai a ni - I&PR Minister

Information & Public Relations (I&PR) Department changtu Minister Lalruatkima chuan, “Chanchinbu hi khawtlang inzirtirna leh ram leh hnam humhalh kawngah pawh hmanraw tangkai tak a ni,” tiin kan Media ah pawh Mizo nun ze mawi a lan a mawi thu a sawi.

I&PR Department leh Central YMA buatsaih ‘Chanchinbu Enkawl Dan Zirhona: Media Workshop 2022’ nimin-a Central YMA Hall, Aizawl-a neih a hmanpuina I&PR Minister chuan Chanchinbu chu khawtlang inzirtirna leh ram leh hnam humhalh kawngah pawh hmanraw tangkai tak a nih thu hi sawiin, “Mizo Tawng ziakdan dik uar kawngah te, kan tunlai khawvel changkanna in a ken tel Social Media thu belh chian dawllo tak tak thlitfim nan leh a chhiartute kawng dik leh thu dik, finfiah tlak chhawpchhuahna atan Chanchinbu hi a pawimawh em em a ni,” a ti a. “Media hian naupang tawngtheilo atanga tar thlengin min nghawng vek tawh a, chutiang khawvela cheng kan nih tawh avang chuan hetiang lama zirna pawh hi kan ngaih pawimawh deuh deuh hi a tul a, a thiamte thu khawchang kan ngaihchan thiam hi a tul takzet a ni,’ a ti bawk.

I&PR Minister chuan YMA chu Mizo tawh phawt chuan kan ngai hluin kan zah em em tih sawiin, YMA tih anih tawh chuan kan ngai thutak in, kan ngaipawimawh em em thin tih a sawi a. YMA chu tlawmngai pawl, thliar bik neilo, tanpui ngai te tanpui tu, Mizo nun zemawi min zirtirtu a nih angin, kan Media ah pawh Mizo nun ze mawi a lan hi a mawi a ni tiin Branch hrang hrang atanga kal te chu a chah bawk a ni.

He hunah hian I&PR Director C. Lalnunkima pawhin Veng khat YMA Chanchinbu enkawl tur chuan mi bik thlan an ni thin tih sawiin, “Chanchinbu kan buatsaih hian a dawngsawngtu ten eng angin nge an ngaih tih hi kan dawn ve a ngai a, tawngkam hman leh thuziak uluk a, thalai zawkten an tuipui leh an nun kaihruai thei thuziak ngaihtuahna kan hman hi a tul a ni,” a ti a. Central YMA President R. Lalngheta pawhin Chan-chinbu buatsaih chu khawtlang leh ram tan a hlawk a, hlawh leh hlawkna beiseilo a an thawhna chu a ropuina lai tak a nih thu a sawi bawk.

Nimin-a Media Workshop-ah hian IIMC-a Assistant Professor Dr. C. Lalmuan-sangkimi leh CEC leh Central YMA Chan-chinbu Editor ni bawk Lalnunfela Hlawndo te Paper buatsaih chu zirho niin sawihona hun hman a ni bawk.

Comments

Popular posts from this blog

Volleyball S/F khel dawn