Hmeichhe Football khelh tan a ni dawn

SDFA Women Football Championship-2022 chu Vawiin Sept. 22, 2022 hian Serchhip-ah khelh tan a ni dawn a, tun thla ni 27 thleng a awh ang.

Serchhip District Football Association (SDFA) buatsaih hmei-chhia te tana Football-a inelna, SDFA Women Football Championship 2022 hi a tirah chuan tunkar tir atanga khelh tur ni mah se District chhung Zone thenkhat ah Tournament kallai a awm avangin Vawiin hian khelh tan a ni dawn a, Team 7 te tel tura inziaklutin heng te hi Group A leh B-ah then an ni a, Group pakhat-a awm te hi intumkualin point hmu sang pahnih ve ve ten Semi Final an lut dawn a ni.

Tun tumah hian Group A-ah Vengchung FC, Chanmari FC leh Dinthar FC te awmin Group B-ah Chhingchhip Mualpui G&SA, Hmar Veng FC, P&E FC leh Thenzawl Zone te an awm dawn a, Group Stage ah hian minute 25+25 khelh tur niin Vawiin chawhnu dar 1:20-ah Vengchung FC leh Chanmari FC an inhmachhawn dawn a, dar 2:30-ah P&E FC leh Thenzawl Zone inhmachhawnin dar 3:40-ah Chhingchhip Mualpui G&SA leh Hmar Veng FC te an inhmachhawn bawk ang.

Comments

Popular posts from this blog

Volleyball S/F khel dawn