Mizoram-ah COVID-19 enkawllai 319 la awm mek

Nimin tlai thleng khan Mizoram-ah COVID-19 hri kai enkawllai mi 319 an la awm.

Niminpiah khan Mizoram-ah Sample 462 enfiah niin heng atang hian COVID-19 hri kai mi 64 hmuh an ni a, Sample enfiah atanga chhutin za zela 13.85 te chuan hri an kai a ni. Heng hri kai hmuh te hi Rapid Antigen Test hmanga Sample enfiah 459 atanga hmuh te vek an ni a, ZMC-a RT-PCR Laboratory-ah Sample 3 enfiah niin hri kai hmuh erawh an awm lo thung a ni. Niminpiah-a COVID-19 hri kai hmuh thar te hi Aizawl District-ah 26, Saitual District-ah 15, Lunglei District-ah 13, Mamit District-ah 6, Hnahthial District-ah 2 leh Champhai leh Khawzawl District-ah pakhat ve ve te an ni.

Nimin khan Mizoram District 10 atangin COVID-19 hri kai mi 67 te anmahni enkawlna hmun atanga chhuahtir an ni ve leh a, heti hian nimin tlai thleng khan Mizoram-a COVID-19 hri kai hmuh tawh chu 2,37,534 niin an zinga 2,36,493 te chu enkawl dam an ni tawh a, hri kai zinga za zela 99.56 te enkawl dam ni tawhin hri kai enkawllai 319 la awmin mi 722 an boral tawh a, hri kai enkawllai 10 leh a aia tlem awmna District 7 a awm mek a ni.