Aizawl New Market sawifiah

Mizoram sawrkar-a UD&PA Department chuan thuchhuah siamin Aizawl New Market sak that tur chungchang chu an sawifiah.

Hemi chungchanga thuchhuah an siam ah New Market Building sak that tur hi Aizawl Smart City hnuaia thawh tur niin a project hming chu ‘Mo-dernisation of Bara Bazaar - Trade Facility-cum-Exhibition Areas’ tih a ni a. Aizawl Bazarpui sak thar tur design siam tur hian intihsiakna buatsaih niin uluk taka endik a nih hnuah Catalyst Architecture thlan an ni. A sak dan tur design an thehluh chu uluk taka endik a nih hnuah Aizawl Bazarpui building sakna tura sum ruahman in a daih dawn lo tih hriatchhuah a ni a, chumi siam rem tur chuan Aizawl Smart City Ltd. leh Project Management Consultant (PMC) leh Catalyst Architecture te nen meeting neiin estimate chu en that leh a ni.

Aizawl Bazar hi Commerce & Industries Department te enkawl niin anni nen hian Aizawl Smart City Limited chu an inbiakrawn reng thu leh thutna (seat) awm tur zat te vawi engemaw zat tihdanglam a nih avangin DPR final chhung hian hun a duh viau a. “Vawi engemaw zat sawi ho a nih hnuah DPR amount hi cheng vbc. 42.83-ah siam a ni ta a, heti zat sum hmang tur hian Mizoram sawrkar chuan March 2022 khan Approval a pe a ni,” an ti.

Project hnathawh hi a hmanhmawh thlak tawh avangin chak zawka hna thawh a nih theih nan a thawk thei tur Contractor thlan kawngah Aizawl Smart City Limited chu a fimkhur thu leh Restricted Tender chhuah a nih hnuah Technical leh Financial Bid hi Firm pathum (3) hnen atanga dawn niin a chhang hniam ber Lushai Engineers hnenah Letter of Acceptance chu ni 22.9.2022 khan pek a ni a, Performance Security an thehluh veleh Contract Agreement sign tur niin hna pawh tan nghal a ni ang, an ti a ni.

Comments

Popular posts from this blog

Tukverh-a tlasual boral