ZPM Thalai ten ba pe thuai turin sawrkar phut

Zoram Peoples Movement (ZPM) Thalaite chuan COVID-19 hluar laia Quarantine Centre leh Covid Care Centre-a ei leh in man Vawiin thleng Mizoram sawrkarin a la bat Rs. 66,37,385 leh Covid volunteer 348 te hlawh Rs. 29,93,000 a la bat te chu sawrkar in pe thuai se an ti.

Nimina Chanchinthar thehdarhtute an kawmna ah ZPM Thalai Vice President Dr. C. Lalrammawia chuan, “Assembly zawhna leh chhanna atanga a lan danin Mizoram sawrkar hian State budget atangin lockdown lai khan lockdown avanga tam tuarte tan tanpuina engmah a pe lo, ti a chhan a ni. Hetihlai hian CM Relief Fund for Covid-19 ah Kohhran, tlawmngai pawl leh mimal ten pawisa tam tak an chhunglut a. Hetiang zat leiba hi sawrkar hian nei turah kan ngai lo. CM Relief Fund for Covid-19 a tanpuina lutte kha khawiah nge a awm? tih hi sawrkar kan zawt,” a ti.

ZPM Thalaite chuan MNF sawrkar tirh atanga hrilen lai leh March, 2021 chhung khan Mau chinna atan Rs. 272,60,431 an seng a, hri len lai tho khan Kamrula hnenah Airport tih changtlunna tu cheng nuai 7051 man hna a pe bawk nia sawiin, “Hei hian an ngaihsak zawng leh duhna ah chuan MNF sawrkar hian sum an ui lo hle tih a lang a ni,” an ti a. Covid-19 pawhin ziaawm lam a pan tawh a, sawrkarin leiba tam tham tak a la nei chu an hriatthiam loh thu leh pawi an tih thu an sawi a, a dawng turte hnenah pe thuai turin sawrkar an ngen a ni.

Comments

Popular posts from this blog