AR insawnchhuah dan tur New Delhi-ah sawiho a ni

/

Aizawl khawpui laili atanga Assam Rifles te sawnchhuah dan tur leh thil pawimawh dangte chu niminpiah tlai khan New Delhi-a Union Home Secretary Ajay Kumar Bhalla Office Chamber-ah sawiho a ni.

He sawihona hunah hian Mizoram aiawhin Assembly Speaker Lalrinliana Sailo leh Rajya Sabha MP K.Vanlalvena bakah Rosangzuala OSD to Chief Minister leh Home Commissioner H. Lalengmawia te an tel a. Meeting-ah hian Assam Rifles te insawnchhuahna tur Order chhuah a nih tawh hnuah tun thlenga an la chhuah loh thu leh a taka an chhuah a tul tawh thu te Mizoram Team te hian an sawi a. Parliament Monsoon Session zawh hnuah order thar chhhuah a nih tur thu Union Home Secretary chuan a sawi a ni.

Mizoram in SRE(Security Related Expenditure) kan dawn ve ngai loh thu leh ram ralmuang nih man awm lo taka sawrkar laipuiin SRE State thenkhata a pek laia Mizoram in kan dawng ngai lo chu thil dik a nih loh thu Mizoram Team te hian an thlen nghal a.Union Home Secretary chuan lo enzui nghal a tum thu a sawi bawk a. Myanmar Refugee te an la pun belh zel thu te leh an hamthatna tura sawrkar laipui a inhawn zau deuh a tul thu an thlen tel bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »