I-Day Football 2nd Div. khelh leh a ni


Serchhip District Football Association (SDFA) buatsaih Independence Day/Screening Football Tournament chu nimin khan 2nd Division ten an khel chhunzawm leh.

Nimin-a Serchhip Sports Complex-a inkhel hmasa berah Group A atangin Bungtlang Bazar FC chuan Chhim Veng FC chu 2-1 in an hneh a, inkhawl vawi hnihna ah Group B atangin Dress Up FC in FC Serchhip Kawnpui chu 6-0 in an sawp a, an Group-a inkhel dang ah Hmar Veng FC (White) chuan Darnam FC chu 6-3 in an hneh bawk.

Nimin a Group C inkhel ah Field Veng FC chuan Chanmari FC chu 5-1 in an sawp a, nimin a inkhel hnuhnung berah Group C atangin New Serchhip FC chuan Hmar Veng FC (Red) chu 4-0 in an hneh ve bawk a ni.

Vawiin hian 1st Division ten an match 5-na an khel ve leh dawn a, chawhma dar 10:00-ah Chhekhnai FC Vs AWC FC inhmachhawnin hemi hnu hian FC Serchhip Kawnpui Vs Hmar Veng FC; Bungpui FC Vs New Serchhip FC leh Chanmari FC vs Vengchung FC te an inhma-chhawn leh dawn bawk a ni.

Comments

Popular posts from this blog