Latest News

ZPM in Workshop on Vegetable Market buatsaih

ZPM Research Wing buatsaihin nimin khan Tourist Lodge, Chaltlang-ah Thlai thar lei leh hralh chungchang zirchianna 'Workshop on Vegetable Market' neih a ni.

Nimin-a 'Workshop on Vegetable Market' ah hian ZPM President Lalliansawta chuan tunhma atangin sawrkar in mipuite thlai ching tura a tih chu mipui ten chingin thar thin mah se a hralhna lamah kan buai leh thin tih sawiin, “ZPM hian Research Base-in policy kan siam ta a, hei tak hi a chhuanawmna lai a ni. Kan mithiamten a kuma kum policy an buaipui a, ti hian duanchhuahin a lo awm ta a. Hei hi Pathian zarah lo sawrkar ta pawh ni ila, kan leklam tur pawimawh tak a ni; a buaipuitute an fakawm hle a ni,” a ti.

ZPM Research Wing Chairman Prof. H. Lalramnghinglova kaihhruai he hunah hian ZPM Working President K. Sapdanga pawhin thawhrimna chauh hi hlawhtlinna kawng awmchhun a nih thu leh hunbi pel rawk khawpa an thawhrim a ngaih thu a sawi bawk. He Workshop ah hian mithiam hrang hrang ten thupui thlanbik hmanga zirchianna an neih te ngaihthlak a ni.

Comments

Popular News (Last 30 Days)