March 14, 2022 hnua hri kai hmuh tam ber ni thleng

Niminpiah khan Mizoram-ah COVID-19 hri kai mi 337 zet hmuh belh leh niin kumin March 14-a ni khat-a hri kai 494 hmuhchhuah a nih hnua ni khat-a hri kai hmuhchhuah an tam ber ni a ni.

Niminpiah khan Mizoram-ah Sample 1249 enfiah niin heng atang hian COVID-19 hri kai mi 337 hmuhchhuah an ni a, Sample enfiah atanga chhutin za zela 26.98 te chuan hri an kai a ni. Niminpiah a hri kai hmuh thar te hi Rapid Antigen Test hmanga Sample enfiah 1243 atanga hmuh vek niin District tinah hri kai hmuhchhuah an awm vek a, hri kai hmuhchhuah zinga 108 te chu Lunglei District atanga hmuh an ni a, Aizawl District-ah 99, Mamit District-ah 34, Champhai District-ah 21, Siaha District-ah 16, Khawzawl District-ah 14, Serchhip leh Lawngtlai District-ah 12 ve ve, Saitual District-ah 11 leh Hnahthial District-ah mi 6 bakah Kolasib District-ah mi 4 te an ni. Niminpiah khan ZMC-a RT-PCR Laboratory-ah Sample 6 enfiah niin hri kai hmuh erawh an awm lo a ni.

Nimin khan Mizoram District 10-a hri kai mi 150 chu anmahni enkawlna hmun atanga chhuahtir an ni a, heti hian nimin tlai thleng khan Mizoram-a COVID-19 hri kai hmuhchhuah tawh chu 2,33,137 niin an zinga 2,31,380 chu enkawl dam an ni tawh a, hri kai hmuhchhuah atanga chhutin za zela 99.25 te enkawl dam ni tawhin hri kai enkawllai 1047 an awm bakah hri kai zingah mi 710 an boral tawh bawk a ni.