Zirtirtu man niin Vawiin ah hremna tihchhuah tum

Lunglei District-a Thangpui Govt. Primary School-a pawl khat zirlai naupang a School thawmhnaw phelhsak a hawtirtu-a puh an Zirtirtu chu Inrinni khan Police ten thu zawhfiah turin an la a, Vawiin hian School Education Department chuan a hremna tihchhuah an tum bawk.

Lunglei District SP Rex Vanchhawng sawi danin Lunglei District Child Welfare Committee (CWC) in Juvenile Justice (Care and Protection of Children) Act, 2015 tlawhchhana FIR an thehluh bawhzuiin he School Zirtirtu Lalbiakengi hi Inrinni khan manin Police Station-ah lak nghal a ni a. He Dan Section 75-na hmangin Lunglei Police Station-ah thubuai siamsak a ni bawk.

School Education Director Dr. H. Lalthlangliana chuan Vawiin, Thawhtanni hian Lalbiakengi hremna tur hi tihchhuah a ni dawn tih a sawi a, he thil thleng hi Lunglei Sub-Divisional Education Officer (SDEO) chuan chhui nghalin Zirtawpni khan a thil chhui report hi School Education Department-ah a thehlut a. Zirtirtu hi insawifiah tura tih nghal niin thil awmdan chhuichian a nih hnu-ah a hremna hi tihchhuah a ni dawn niin Director chuan a sawi.

Comments

Popular posts from this blog

Tukverh-a tlasual boral