Latest News

Union Minister hnenah Tagore Cultural Complex thlen

New Delhi-a zin EF&CC Minister TJ. Lalnuntluanga chuan Zirtawpni zan khan Union Tourism & Culture Minister G. Kishan Reddy, Development of North Eastern Region of India (DoNER) Minister ni bawk chu New Delhi-a a chenna In-ah hmuin Champhai Tlangsam hmun hluia Tagore Cultural Complex din tum chung-chang leh thil pawimawh dangte a sawipui a.

EF&CC Minister chuan Champhai Tlangsam hmun hluia Tagore Cultural Complex din tum chungchangah hian Sawrkar thar a lo pian hlim phat atangin hmalak nghal a ni tih sawiin, hemi atan hian Sawrkar laipui pawh vawi duai lo dawr a ni tawh a ni, a ti a. Hripui leh harsatna hrang hrang avanga a hlawhtlinna hmuh a la nih mai loh avang leh Union Minister hnen atanga thudawnin, Tagore Cultural Complex din tum chungchang chu National Appraisal Committee (NAC) in a ngaihtuah tur thu January ni 17, 2022 khan lehkha hmanga rawn hriattir a nih thu tarlangin, chak zawka hma laksak turin Union Minister chu a ngen a ni.

Union Minister G. Kishan Reddy chuan Tagore Cultural Complex din tum chungchang ah theihtawp chhuaha hma lakpui a inhuam thu leh a tul anga hma lak nghal a nih tur thu EF&CC Minister hi a lo hrilh a ni.

Comments

Popular News (Last 30 Days)