Latest News

COVID-19 hri kai enkawllai tlahniam ve hret

Pathianni khan Mizoram-ah Sample 243 enfiah niin heng atang hian COVID-19 hri kai mi 64 hmuh an ni a, Sample enfiah atanga chhutin za zela 26.34 te chuan hri an kai a ni.

Pathianni-a Mizoram-a hri kai hmuh thar mi 64 zinga 63 te hi Rapid Antigen Test hmanga hri kai hmuh te an ni a, TrueNat Laboratory-ah Sample enfiah pathum awmin heng atang hian hri kai mi pakhat hmuh a ni bawk a ni. Pathianni-a Mizoram a hri kai hmuh zinga mi 29 te hi Aizawl District-a hri kai hmuh te an ni a, Lunglei-ah 14, Saitual-ah 10, Mamit-ah 8 leh Kolasib-ah hri kai mi 3 hmuh an ni bawk.

Nimin khan Mizoram-ah hri kai enkawl dam mi 267 lai an awm belh ve thung a, heti hian nimin tlai dar 5:00 thleng khan Mizoram-a COVID-19 hri kai hmuh tawh chu 2,34,144 niin an zinga 2,32,461 te chu enkawl dam an ni tawh a, hri kai hmuh atanga za zela 99.28 chu enkawl dam ni tawhin hri kai enkawllai 972 an la awm a, hri kai zingah mi 711 an boral tawh bawk a ni.

Comments

Popular News (Last 30 Days)