Latest News

Faina-ah hmalakna kalpui

/
Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.
Post a Comment

Saitual District tan SEDP tlangzarh a ni

/

Saitual District tana Sawrkar Flagship Programme - Socio Economic Development Programme khuhhawnna chu nimin khan neih niin P&E Minister R. Lalzirliana chuan a hmanpui a ni.

Govt. Saitual College Auditorium-a he hun hmanna ah hian Minister leh bialtu MLA R. Lalzirliana chuan Covid hripuiin kum 2 chhung Sawrkar a tihbuai hnuah leh tunhnaia CSS sum tam tham tak Sawrkar in a pekchhuah hnua mi thenkhatten Sawrkar chu SEDP sem thei lo tura an ngaih leh an sawisel karah a taka SEDP kalpuia beneficiaries te hnena sum pekchhuah tur ruahman a ni ta chu chu lawmawm a tih thu a sawi a, SEDP chu mirethei leh chhumchhia te khaichhuahna programme a nih thu a sawi bawk.

Saitual District huamchhunga MLA bial pathum ah SEDP beneficiaries chhungkaw 4500 an awm a, hei hi SEDP beneficiaries zawng zawng atanga chhutin za zelah 7.5 a ni a, AH&Vety Department-ah 1681; Agriculture-ah 1268; Commerce & Industries Department-ah 604, Fisheries Department-ah 93; Horticulture Department-ah 508; LRS&WC Department-ah 286; Sericulture Department-ah 41 leh UD&PA Department-ah 19 an awm a. Vawkvulh thlang tam berin mi 1068 in he Trade hi an thlang a ni.

Comments

Post a Comment

Popular News (Last 30 Days)