Aadhaar chungchangah State Level Workshop nei

Unique Identification Authority of India (UIDAI), Regional Office, Guwahati buatsaihin nimin khan Aizawl-a Hotel Regency-ah State Level Workshop neih a ni.

‘Recent Initiatives for Simplifying Aadhaar Usage’ tih thupui hmanga Workshop-ah hi GAD Prinicipal Secretary Navin Kumar Choudhary chuan kaihruaiin Aadhar chu mipui mimir te hmasawnna tur sawrkar Scheme hrang hrang, a thlenna tur dik taka a thlen theih nan leh a dawngtu tur dik takin an dawn ngeih theih nan a tangkai hle tih sawiin, nau pianghlimte tana Birth Registration an tihna hmunah Aadhaar Enrolment hi tih theih nise, Birth Certificate nen thlunzawm vek nise a tangkai lehzual a beisei thu a sawi.

He hunah hian Devajit Khound, DDG, UIDAI, Guwahati chuan India ram pumah Aadhaar pawimawhzia sawiin, Sawrkarin tanpuina kawng hrang hranga a sem thin te a dawngtu tur dik tak ten an dawn ngei theihna turin Aadhaar hi a pawimawhin a tangkai hle tih a sawi a. Sawrkar thuneitute chu Aadhaar Enabled Payment System hmang uar turin a fuih bawk. He hunah hian Aadhaar feature hrang hrang te, Data privacy leh Information Security chungchang te sawiho a ni a. State Government hmalakna, Scheme leh tanpuina te chu Aadhaar kaltlanga kalpui a tulna te, Direct Benefit Transfer pawimawhna te leh thildang pawimawh hrang hrangte zirho a ni.