COVID-19 hrik kei enkawllai mi 588 la awm mek

Nimin tlai thleng khan Mizoram-ah COVID-19 hri kai enkawllai mi 588 an la awm.

Niminpiah khan Mizoram-ah Sample 586 enfiah niin heng atang hian COVID-19 hri kai mi 125 hmuh an ni a, Sample enfiah atanga chhutin za zela 21.30 te chuan hri an kai a ni. Heng hri kai hmuh thar 125 zinga 124 te hi Rapid Antigen Test hmanga Sample enfiah 584 atanga hmuh an ni a, ZMC-a RT-PCR ah Sample pahnih enfiah niin hri an kai ve ve a ni. Niminpiah a hri kai hmuh thar te hi Aizawl District-ah 38, Lunglei District-ah 26, Mamit District-ah 24, Champhai, Kolasib, Serchhip leh Lawngtlai District-ah mi 6 theuh, Saitual District-ah mi 4 leh Siaha, Hnahthial leh Khawzawl District-ah mi pathum theuh an ni.

Nimin khan Mizoram District 8 atangin hri kai mi 108 chu anmahni enkawlna hmun atanga chhuahtir an ni ve leh a, heti hian nimin tlai thlenga Mizoram-a COVID-19 hri kai hmuhchhuah chu 2,36,670 niin an zinga 2,35,365 te chu enkawl dam an ni tawh a, hri kai zinga za zela 99.45 te chu enkawl dam ni tawhin hri kai enkawllai mi 588 an la awm a, hri kai te zingah mi 717 chu an boral tawh bawk a ni.

Comments

Popular posts from this blog

Tukverh-a tlasual boral