RD Minister in SEDP tlangzarhna a hmanpui

Rural Development (RD) Minister Lalruatkima chuan, “SEDP chu kuthnathawktute leh mahni a eizawnna hrang hrang nei te dinkhawchhuahna a lo nih theihnan leh lei rual rem an rah theih nana sawrkarin kawng a hawnsakna a ni,” a ti.

Aizawl District Family Oriented SEDP Launching Programme nimin-a Assembly Conference Hall-a neih ah he thu hi sawiin RD Minister chuan Beneficiary te hlawhtlinna chu an tumruhna leh hmathlir an neihna-ah a innghat tlat tih a sawi a, hlawhtling tum tlat te tan he khawvelah hlawhtlinna a awm a ni tih hria a, kan ngaihtuahna te pawh a tha lam hawi a, ngaihtuahna dik leh tha kan neih a pawimawh em em tih a sawi a. Kan chhungkua tan leirem kan rahna turin enge kan tih ang tih ngaihtuah ran a, sawrkar in a thlawnin min pe lo a, kan chhungkua in leirem kan rah theihnan kawng min hawnsak tih hi hrereng tur leh peihpunna dap a he Flagship Programme tihlawhtlingtu ni turin a chah bawk.

Aizawl District-ah hian Constituency 12 awmin, Constituency tin atangin beneficiary 1500 thlan a ni a, AH & Vety Department hnuaia Trade thlang mi 7716 awmin an tam ber a, Commerce & Industries-ah 6951, Horticulture Deparment-ah 957, Agriculture Department-ah 850, Land Resourses Department-ah 833, UDPA-ah 525 , Fisheries-ah 138, Tourism-ah 23 leh Sericulture-ah  3 in trade thlangin Second Installment hi sawrkar ruahman dan chuan November thla lama peihfel hman tum a ni.

Comments

Popular posts from this blog

Tukverh-a tlasual boral