Rampawn atanga Mizoram rawn tlawhtu an tlem

Tunhnai kum hnih chhungin rampawn atanga Mizoram rawn tlawhtu mi 209 awmin ramchhung (domestic) atanga Mizoram rawn tlawh erawh kum hnih chhungin mi 80,183 an awm thung.

Mizoram sawrkar Tourism Department chhinchhiah danin, kum 2020-21 chhung khan foreign atanga Mizoram rawn tlawh mi 90 chauh an awm a, domestic erawh mi 20,474 an awm a. Kum liamta 2021-22 chhung khan foreign atanga Mizoram rawn tlawh mi 119 awmin, domestic 59,709 an awm thung a, hetianga Mizoram in foreign atanga khualzin a neih tlem nachhan hi COVID-19 hripui len vang ni pakhat a ngaih a ni. Thudawn danin Covid hrilen hma kum 2019-20 khan foreign atanga Mizoram rawn tlawh mi 2,143 awmin, domestic 1,59,534 an awm a, kum 2018-19 ah foreign atangin mi 1,644 leh domestic 88,122 an awm bakah, kum 2018-18 ah foreign atangin mi 1,155 leh domestic 68,679 an awm bawk a ni.

Tourism Department in Tour Guide atana a pawm leh license a pek Mizoram-ah mi 89 awm tawhin, chung mite chu Mizoram hmun hrang hrang a mite an ni a, Tourist Destination a puan 164 awm bawkin, chungte chu Siaha District-ah 4, Serchhip District-ah 23, Saitual District-ah 11, Mamit District-ah 25, Lunglei District-ah 17, Lawngtlai District-ah 5, Kolasib District-ah 10, Khawzawl District-ah 9, Champhai District-ah 18 leh Aizawl District-ah 30 te an ni.

Comments

Popular posts from this blog

Tukverh-a tlasual boral