PAHOSS sum mi 139 hnenah nuai 1132 pe tawh

Parking House Support Scheme (PAHOSS) hnuaiah Garage sakna tur sum mi 139-te hnenah cheng nuai 1,132.30 pekchhuah a ni tawh a, PAHOSS hi Lunglei, Champhai leh Kolasib-ah kalpui tura hmalak mek a ni.

ZALEN-in RTI hmanga a zawhna, SPIO, Urban Development & Poverty Alleviation Department-in a chhannaah PAHOSS chu February 6, 2019 atangin kalpui tan a ni a. Hriat theih chinah he Scheme hi mi 139 hnenah pek ni mah se Garage sa zo tawh hi mi 15 chauh an la awm a; sum dawng tawh, hna la tan lo an awm lo thung.

PAHOSS kalpui zel leh kalpui zel loh chungchang chu policy thil a nih avangin Directorate Level atang chuan chhan mai a rem lo tih sawi bawkin, kum 2022-23 chhungin PAHOSS-ah sawrkarin sum a dah lo tih RTI chhannaah hian tarlan a ni bawk.