Mizoram-ah hri kai mi 552 enkawl mek an la ni

Mizoram-ah COVID-19 hri kai enkawllai tlahniam ve leh hretin nimin tlai thleng khan Mizoram-ah hri kai enkawllai mi 552 an awm.

Niminpiah khan Mizoram-ah Sample 229 enfiah niin heng atang hian COVID-19 hri kai mi 78 hmuhchhuah an ni a, hei hi Sample enfiah atanga chhutin za zela 34.10 ten hri kai ang an ni. Niminpiah a COVID-19 hri kai hmuhchhuah te hi Rapid Antigen Test hmanga hri kai hmuh te vek niin Lunglei District-ah 20, Siaha District-ah 19, Aizawl District leh Champhai District-ah 11 ve ve, Saitual District-ah 5 leh Kolasib, Lawngtlai leh Mamit District-ah mi 4 theuh te an ni.

Nimin khan Mizoram District 10 atangin COVID-19 hri kai mi 169 te chu anmahni enkawlna hmun atanga chhuahtir an ni leh a, heti hian nimin tlai thlenga Mizoram-a COVID-19 hri kai hmuhchhuah tawh chu 2,35,307 niin an zinga 2,34,038 te chu enkawl dam an ni tawh a, hri kai hmuh te atanga chhutin za zela 99.46 te enkawl dam ni tawhin hri kai enkawllai mi 552 an la awm a, hri kai zingah mi 717 an boral tawh bawk a ni.