MZP in Pension tawh rawih nawnna Order hal

Mizo Zirlai Pawl (MZP) General Hqrs. chuan Cooperation Department hnuaia pension tawh rawih nawn tha a tih loh zia lantir nan nimin khan Aizawl-a Vanapa Hall kawt-ah pension rawih nawnna order chu an hal.

Nimin chhun-a Order halna hunah hian MZP General Hqrs. President Lalnunmawia Pautu chuan mi bik leh thiam bikna pawh nei lo, mimal induhsakna uchuak tak avanga sawrkarin thawktu pension a ruai nawn chu thalaite kawng daltu a nih avang leh Sawrkar sum tam tak luanralna a nih avangin MZP chuan an ngai thiam thei lo tih sawiin, ruai nawn lo tura vawi tam an ngen hnuah pawh pension rawih nawn kaltlangpui a ni chu an dem thu leh a tawp thleng an dodal zel dawn thu a sawi a. Hemi hnu hian pension a rawih nawnna order copy, kumin May 25-a siam tawh chu an halral a ni.

MZP thuchhuah in a tarlan danin Mizoram sawrkarin Cooperation Department hnuaia pension a rawih nawn hi Lalrinsanga niin May thlaa Additional Registrar of Cooperative Societies (Addl. RCS) pension a ni a. A hmun ruak luah tur hian Sawrkarin Maria G. Ralte chu dahin Maria G. Ralte pawh hi kumin July thla khan Addl. RCS atang hian a pension veleh tawh a ni. Hetianga sawrkarin Addl. RCS pension tawh Lalrinsanga rawih nawn leh a tumna kawngah hian mimal induhsakna uchuak tak leh puanhnuai thil tam tak a awm nia an hriat thu MZP chuan sawiin, Vawiin August 2, 2022 hian Mizoram sawrkarin pension tawh a rawih nawn Lalrinsanga Pisa kai tur chu an dang dawn tih an sawi a, an ngenna a hlawhtlin loh chuan hma an la zel dawn tih an sawi bawk.

Comments

Popular posts from this blog