Hri kai enkawllai 860 awm

/

Pathianni khan Mizoram-ah COVID-19 hri kai mi 62 hmuh leh niin nimin tlai thleng khan COVID-19 hri kai enkawllai mi 860 an awm mek.

Pathianni khan Mizoram-ah Sample 322 enfiah niin heng atang hian COVID-19 hri kai mi 62 hmuhchhuah an ni a, Sample enfiah atanga chhutin za zela 19.25 te chuan hri an kai a ni. Heng hri kai hmuh te hi Rapid Antigen Test hmanga hmuh vek niin Lunglei District-ah 22, Aizawl leh Serchhip District-ah 11 ve ve, Cham-phai leh Saitual District-ah mi 5 ve ve, Kolasib District leh Mamit District-ah mi 3 ve ve leh Siaha District-ah mi pahnih te an ni a. RT-PCR Laboratory leh TrueNat Laboratory-ah Sample enfiah a awm lo bawk a ni.

Mizoram District 10 atangin nimin khan COVID-19 hri kai enkawl dam mi 170 an awm belh leh a, heti hian nimin tlai thlenga Mizoram a COVID-19 hri kai hmuhchhuah tawh chu 2,32,800 niin an zinga 2,31,230 te chu enkawl dam an ni tawh a, hri kai hmuhchhuah atanga chhutin za zela 99.32 te enkawl dam ni tawhin hri kai enkawllai mi 860 an la awm a, hri kai te zingah mi 710 an boral tawh a ni.Tun dinhmun ah District tinah hri kai enkawllai an la awm vek a, hri kai enkawllai mi za leh a aia tam awmna District pathum an la awm mek a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »