MYC leh IIM Shillong ten thawhdunna tur an ziak

Mizoram Youth Commission leh Indian Institute of Management (IIM) Shillong te chuan nimin khan inremna thuthlung, Memorandum of Understanding (MoU) an ziak.

MYC Chairman Dr. Vanlaltanpuia MLA leh IIM Shillong-a Director, Prof. DP. Goyal te chu nimin khan MYC Office, Aizawl-ah an inkawm a, he hunah hian Mizo thalaite tana hmasawnna tur kawng hrang hrang sawidun niin MoU hi ziah a ni a, MYC aiawhin MYC Chairman Dr. Vanlaltanpuia leh  IIM Shillong Director Prof. DP. Goyal te chuan an hming an ziak a ni.

He thawhhona thuthlung-ah hian Mizoram in Skill Training kan mamawh tak, kan thiam zawng leh kan theihna kawng hmuchhuak tura Skill Gap Research nei tur a thawhhona te, Mizoram sawrkar hnuaia hnathawk Officers leh Local Youths te tana IIM Shillong-a training buatsaih te, Mizo thalaite thiamna ril zawk zir tura intuai hriam nan Super 10 programme emaw buatsaiha chumi hnuaia Mizo thalai 10 te chu IIM a training thei tur a intuaihriamna neihpui leh Mizo thalaiten Skill Development lama hma an sawnna kawnga MYC hmalakna a neihah IIM Shilling in puiin ‘Centre of Excellence’ din kawngah pawh IIM hian MYC hi a puih dawn thu te tarlan a ni.

Comments

Popular posts from this blog

Tukverh-a tlasual boral