Mizoram Tourism Start-Up Fest & Competition nei

Mizoram-a a vawikhatna atan Mizoram Tourism Start-Up Fest & Competition 2022 Kick Off-na chu nimin khan Tourism Minister Robert Romawia Royte hovin SAD Conference Hall-ah neih a ni.

He Kick-Off program-ah hian Robert Romawia Royte chuan Tourism tih changtlunnan leh eizawnnana mi tam zawkin an hman theihnana kawngka pawimawh tak pakhat Mizoram la awm ngailo Start-Up Fest & Competition buatsaih a ni chu lawmawm a tih thu a sawi bawk. He Competition a tel duh tan September ni 14, 2022 thleng Business Plan hi Tourism Department-ah thehluh theih a ni a. Business plan hian Mizoram Responsible Tourism Policy 2020 nena in zulzui tur a ni. He Start-Up Fest & Competition in a tum ber chu thangthar te tana eizawnna ngialnghet ah bultanna an neih theihna tur a ni a, lawmman hi pawisa faiin pakhatna in Rs. 1,50,000/- bakah Trophy leh Certificate a dawng ang a; pahnihn leh pathumna bakah Consolation Prize mi pahnih tan Rs. 50,000/- theuh siam a ni ang.