Green-Ag Project-a hmalakna tur thlirhona nei

United Nations Food and Agriculture Organization (FAO) hnuaia Green-Ag:Green Landscape Implementation Unit (GLIU) hmalakna leh hmachhawp hrang hrang chungchang ngaihtuahin nimin khan 4th Technical Support Group (TSG) Virtual Meeting neih a ni.

Green-Ag:Green Landscape Implementation Unit (GLIU) Project hi Mizoram-ah Lunglei District leh Mamit District-ah te kalpui mek niin nimin-a Vrtual Meeting-ah hian Lunglei leh Mamit District-a hmalak zel dan tur ngaihtuah a ni a. Agriculture Department Officials-te, Line Department te bakah Green-Ag National Project Management Unit (NPMU) hotute New Delhi atangin an tel a ni.

Green-Ag Project hi a Funding Agency chu Global Environment Facility (GEF) niin a Implementing Agency chu United Nations Food and Agriculture Organization (FAO) a ni a. Sawrkar laipui-ah Ministry of Agriculture & Farmers’ Welfare leh Ministry of Environment, Forests & Climate Change te hnuaiah niin Mizoram Sawrkar hnuaia State Nodal Agency chu Department of Agriculture (Crop Husbandry) a ni.

He Project hi kum 6 (01st April, 2019 to 31st March, 2026) chhung atana ruahman niin Project kalpui tur hian State thlanchhuah panga - Madhya Pradesh, Mizoram, Odisha, Rajasthan leh Uttarakhand te Budget intawm chu USD 33,558,716 a chhut a ni. GLIU project kalpui a nih chhung hian a huamchhunga khaw hrang hrang a loneitute hmasawnna tur kawng chi hrang hrang bakah ramngaw leh nungcha humhalh te, Project a zawh hnu pawh a eizawnna ngelnghet neihna tur lam hawi a hmalak a ni dawn a ni.