Mizoram State Health Care Scheme a inziaklut zat tlahniam nasa; Bill ba cheng vbc. 74.71 la awm

/

Mizoram State Health Care Scheme (MSHCS) hnuaiah, kum 2022-23 atan a inziaklut kum hmasa lam aiin an tlahniam a, chhungkua 39,505 inziaklut awmin, nikum aia a tlemna za a 45.04 a tling. Hetihlai hian July ni 27, 2022 thlenga Mizoram sawrkarin Health Care Bill ba a neih zat chu Rs. 74,71,58,170 a tling.

RTI hmanga zawhna Health Department-in an chhanna atanga a lan danin, kum kal me, 2022-23 chhung atana Health Care Scheme a inziaklut chhungkaw 39,505 te atanga Enrollment Fee hmuh dan chu AAY (Card eng) atangin Rs. 9,32,760, PHH (Card pawl) atangin Rs. 1,88,26,780, Non-NFSA (Card var) atangin Rs. 2,94,98,040 leh Ration Card neilo te atangin Rs. 4,23,720, a vaiin Rs. 4,96,81,300 a ni a. Health Care Scheme-a inziahluhna man hi AAY (Card var) tan Rs. 200, PHH (Card pawl) tan Rs. 1,000, Non-NFSA (Card var) tan Rs. 2,000 leh Ration Card nei lo tan Rs. 2,000 niin, chhungkaw member zat bituk a awm lo thung a ni.

MHCS-ah (policy year) October 1, 2019-September 30, 2020 (thla 12) ah inziaklut chhungkaw 61,015 an awm a, October 1, 2020-September 30, 2021 (thla 12) ah chhungkaw 1,13,720, October 1, 2021-March 31, 2022 (thla 6) ah chhungkaw 87,695 inziaklut an lo awm tawh a, kumin hi tunhnai kum li (policy year) chhung a inziaklut tlem ber kum a ni.

Hemi chungchangah hian Health Department chuan, Health Care Scheme a inziahluh chu mimal duhthlanna (voluntary) a nih thu leh, kumin a inziaklut tlemna chhan hre turin zirchianna neih a nih loh thu te RTI chhanna ah an tarlang a ni.

Hetihlai hian July ni 27, 2022 thleng khan Health Care Bill ba Mizoram sawrkarin a neih chu Rs. 74,71,58,170 a ni a, chungte chu Policy Year, October 1, 2020 - September 30, 2021 a mi 9,530 te bill, Rs. 25,32,23,950 te; October 1, 2021-March 31, 2022-ah mi 12,680 te bill Rs. 33,32,15,494 leh kum kal mek, April 1, 2022- March 31, 2023 a mi 5,214 te bill, Rs. 16,07,18,726 a ni.

Sawrkar hnathawk MR bill thei ni lo zawng zawng ten Health Care Scheme hamthatna an hmang tangkai thei a, damdawi In-a an inenkawlna senso atan chhungkaw pakhat in Rs. 2,00,000 thleng an hmang thei a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »