Mi 3 in Nomination an file

Thla thar September ni 6-a Baktawng VC (Reserved Seat) chuh tura hming pekluh theih hun chhungin inthlanna chuh tum mi pathum ten Nomination Paper an thehlut.
He inthlanna neih tura Returning Officer K. Vanzama chuan nimin tlai dar 3:00 khan he inthlanna neih tura chuh tum tana hming pekluh hun hi a tawp thu LENKAWL hrilhin inthlan chuh tum te tana hming pekluh theih chhung hian mi pathum ten an hming an pelut tih a sawi a, heng hming pekluh te hi INC atangin Lalramchuani, MNF atangin Lalremliani leh ZPM atangin Lalthanpuii te an nih thu a sawi a. Heng Nomination Paper thehluh te hi Vawiin hian enfiah a nih dawn thu leh inhnukdawk duh te tan tun thla ni 22 thleng hun hawn a nih dawn thu a sawi a. Returning Officer chuan inthlanna neih tur atan hian inbuatsaihna tluang taka kalpui zel a ni tih sawiin, tun thlengin harsatna engmah an la tawh loh thu a sawi bawk.