LPG Subsidy lut lo chungchang sawifiah

Tunlai hian Mizoram hmun hrang hrangah LPG subsidy lut lo avanga harsatna tawk tam tak an awm nia a lan avangin Mizoram sawrkar FCS&CA Department chuan hemi chungchang hi thuchhuah siamin an sawifiah.

Food, Civil Supply & Consumers Affairs Department thuchhuah chuan LPG subsidy chungchang hi IOCL emaw, LPG Distributor-te emaw thuneihna ni lovin India ram puma LPG subsidy buaipuitute hi National Payment Corporation of India (NPCI) niin Ministry of Petroleum & Natural Gas hnuaia he hna thawk tura Central Sawrkarin a thlan an ni tih an tarlang a, tunah hian heng harsatna Mizoram mipui tam takin kan tawh mek hi FCS&CA Department chuan ziakin a thlen tawh a ni.

Hetih mek lai hian mipuite pawhin subsidy tha taka kan hmuh theih nan kan Phone No., LPG connection leh kan Aadhaar No., kan Bank Account te nen a in link tha tur a ni tih tarlangin, hetiang a nih loh chuan subsidy hi a lut theilo niin an tarlang a. Gas connection kan neihna Distributor-ah KYC hmangin heng kan document te hi update tur a nih thu leh Bank Account hi a che reng (active) tur niin, hei hi Bank lamah enfiah fo a tha bawk tih an tarlang a. Subsidy hi mi pakhatin kumkhat chhungin cylinder 12 (sawmpahnih) atan an dawn theih thu an tarlang bawk.

Comments

Popular posts from this blog

Volleyball S/F khel dawn