August atangin Birth/Death Certificate te Digitized

Directorate of Economics & Statistics chuan Birth Certificate leh Death Certificate a pekchhuah thin chu tun thla atang khan Digitized Certificate chauh a pechhuak ta.

Directorate of Economics & Statistics hian mipuite hnena Birth Certificate leh Death Certificate a pekchhuah thin, Manual Certificate chu tun thla, August 1, 2022 atang khan titawpin Digitized Certificate chauh a pechhuak ta a, Digitized Certificate hi August 2022 hma lam zawng kha chuan a diltu hnenah chauh pek thin niin tunah chuan Digitized Certificate chauh pekchhuah a ni tawh dawn a ni. Tunah hian Economics & Statistics Department hnuaia District Office zawng zawngah Digitized Certificate chauh pekchhuah theih tura ruahmanna siam mek a ni a, Veng leh Khua leh Hospital-a RBD-te erawh chuan hun engemaw chen chu Manual Birth Certificate leh Death Certificate an la pechhuak rih ang.

Digitized Certificate hian Certificate lem lo siam ve thin te a dang chat tawh dawn tih sawrkar thuchhuah chuan tarlangin, Digitized Birth Certificate leh Digitized Death Certificate hi a hard copy-a ken reng ngai lovin, Certificate-a QR Code Scan-in duh hun huna hman theih turin Smart Phone-ah a dahthat theih a. Digitized Certificate siam man hi Manual Certificate siam man zat tho a nih avangin mipuite tan phurrit a awm dawn lo tih an tarlang bawk.

Comments

Popular posts from this blog

Volleyball S/F khel dawn