Kum chanve-ah ILP 311 pe

Kumin (2022) kum chanve chhung khan Serchhip DC Office atangin Inner Line Permit (ILP) 311 pekchhuah niin 196 tihnun thar (renew) a ni bawk.

Serchhip DC Office atanga thu kan dawn danin kumin kum chanve, January atang June thla tawp thlenga ILP pekchhuah tam ber thla chu April kha niin 81 pekchhuah a ni a, ILP renew tam ber thla chu February kha niin 64 lai renew a ni bawk. Chhinchhiahna atanga a lan danin kumin January thla khan ILP pekchhuah 6 leh renew 9 a awm a, February thla ah ILP 47 pechhuakin 64 renew a ni a, March thla ah ILP 60 pekchhuah niin 18 renew a ni bawk. April thla ah ILP thar pekchhuah 81 a awm laiin 28 renew a ni bawk a, May thla ah ILP 74 pekchhuah awmin 50 renew a ni a, June thla ah ILP 43 pechhuakin 27 renew a ni leh bawk.

Serchhip District-ah hian Police te kaih-hruaina hnuaiah ILP hmang diklo leh ILP nei lo hnamdang enfiah hna hi a khat tawka thawh reng niin dan zawm lo manchhuah pawh an awm ve deuh reng bawk a ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man