Khawzawl District Treasury Office thar hawn a ni

Deputy Chief Minister Tawnluia chuan nimin khan Khawzawl District Treasury Office thar chu Khawzawl Vengthar-ah a hawng.

Khawzawl District Treasury Office thar hawnna hunah hian bialtu MLA leh Deputy Chief Minister Tawnluia chuan Khawzawl District-a Treasure Office a nih tur ang taka hawna hna thawh a ni thei ta chu lawmawm a tih thu sawiin, post ruak hnawh-khah zung zung theih a ni loh avangin Champhai TO chu post chelhkawp tura ruat a ni tih a sawi a. Treasury Office a awm theih nana bultumtu Finance Department changtu CM leh Official-te chungah lawmthu sawiin, Treasury Office chu pawisa khawihtu an nih avang hian an pawi-mawh em em a, security tha pek mai bakah mipui pawhin kan ngaihvenpui a tul takzet a ni, a ti a. Thawktute tanpui leh tawiawm kawngah khawtlang mipuite theihtawp chhuah turin a chah a ni.

He hunah hian District Treasury Officer Lalchhuanliana Sailo tarlan danin kum 2019 ah RBI leh Accountant General hnen atangin Treasury Office hawng turin phalna dil a ni a. Hetih rual hian post hrang hrang awm theih nan hmalak niin, kum 2019 tawp lamah RBI leh AG te phalna hmuh a ni a. Kum 2020-ah Covid-19 vangin rei tak hna a khaihlak a, hetih rual hian Office awmna tur leh Quaters awmna tur hmunhma nghette zawn reng a ni bawk a. Kum 2020 August - September thlaah khan bungrua dahfel niin Security Press, Mumbai-ah cheque siam phalna dil niin, kum 2021 March khan phalna hmuh a ni a. Hun reiloteah Online leh Treasury Compact Software hman theih beisei a ni.

Treasury Office atan hian Khawzawl Vengthar-a mimal In chu luah a ni a, a bultan nan tun dinhmunah thawktu Treasury Officer Champhai in a kawp a, AO, AAO, LDC leh IV Grade pakhat theuh an awm a ni.

Comments

Popular posts from this blog

Volleyball S/F khel dawn