COVID-19 hri kai enkawllai mi 870 awm mek

/

Nimin tlai thleng khan Mizoram-ah COVID-19 hri kai enkawllai mi 870 an awm.

Niminpiah khan Mizoram-ah Sample 1087 enfiah niin heng atang hian COVID-19 hri kai mi 178 hmuh belh leh an ni a, Sample enfiah te atanga chhutin za zela 16.38 te chuan hri kaiin hri kai hmuh thar te hi Rapid Antigen Test hmanga Sample enfiah 1074 atang hmuh vek an ni a, Aizawl District-ah mi 40, Lunglei District-ah 31, Siaha District-ah 30, Serchhip, Champhai leh Lawngtlai District-ah mi 16 theuh, Mamit District-ah mi 10, Saitual District-ah mi 7, Khawzawl District-ah mi 6, Kolasib District-ah mi 5 leh Hnahthial District-ah mi pakhat te an ni. Niminpiah khan ZMC-a RT-PCR Laboratory-ah Sample 13 enfiah niin hri kai hmuh erawh an awm lo thung a ni.

Nimin khan District tinah hri kai enkawl dam awmin Mizoram pumah hri kai enkawl dam mi 218 an awm a, heti hian nimin tlai thleng khan Mizoram-a COVID-19 hri kai hmuh tawh chu 2,34,700 niin an zinga 2,33,115 te chu enkawl dam an ni tawh a, hri kai hmuh atanga chhutin za zela 99.32 te chu enkawl dam an ni tawh a, hri kai enkawllai mi 870 an la awm a, hri kai zingah mi 715 an boral tawh a ni. Tun dinhmun ah Lunglei District chu hri kai enkawllai la tamna ber niin enkawllai mi 250 an la awm a, Aizawl District-ah mi 195 enkawl ni bawkin a bak District dangah chuan mi 100 aia tlem vek enkawllai an awm a ni. 

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »