Football Tournament khelh chhunzawm zel a ni

Serchhip Sports Complex-ah Independence Day/Screening Football Tournament 2022 chu tluang taka chhunzawm zel a ni.
Serchhip District Football Association buatsaih Independence Day/Screening Football Tournament 2022-ah hian Inrinni khan 2nd Division ten Group Match khel chhunzawm lehin inkhel hmasa berah Group D atangin Dinthar FC leh Bungtlang Chhim Veng FC te chu goal khat ve ve inpe in an inhnehtawk a, inkhel vawi hnihna ah Group C atangin Chhek-hnai FC in 2-1 in Chanmari FC an hneh bawk.

Inkhel vawi thumna ah Group A atangin Chhim Veng FC in Leisekawt FC chu 4-0 in an sawp a, aan Group-a inkhel dangah Keitum FC-I in Bungtlang Bazar FC chu 5-2 in an hneh bawk. Inkhel hnuhnung berah Kawn Veng FC in Darnam FC chu 4-1 in an hneh bawk a ni.

Vawiin hian 1st Division ten an match thumna an khel ve leh dawn a, chawhma dar 10:00 ah inkhel tanin AWC FC leh New Ser-chhip FC an inhmachhawn hmasa ber anga, hemi hnu hian FC Serchhip Kawnpui Vs Vengchung FC; Hmar Veng  FC Vs Bungpui FC Hriang-tlang leh Chhekhnai FC Vs Chanmari FC te an inhmachhawn leh ang.

Comments

Popular posts from this blog