EF&CC MInister in sawrkar laipui hotute dawr

Mizoram hmasawnna hrang hrang buaipuia New Delhi-a cham mek EF&CC Minister T.J. Lalnuntluanga chuan sawrkar laipui-a Secretary (EF&CC) Leena Nandan IAS leh mi pawimawh dangte hmuin Mizoram-a Carbon Trading/Green Credit chungchang leh Forest Department kaihhnawiha thil pawimawhte a sawipui.

EF&CC Minister T.J. Lalnuntluanga chuan Sawrkar laipui Forest Department hotu liante hnenah hian Carbon Trading/Green Credit chungchang awmze nei leh mumal taka kalpui dan tur leh Tribal State-a hmalak dan turte a sawipui a. Hemi chungchangah hian Central lam pawhin inkaihhruaina (guideline) mumal tak an la neih loh avangin India ram pum huapa inrawnkhawmna zau zawk neih a tul thu an sawiho a ni.

Hemi rual hian Wildlife Sanctuary leh Tiger Reserve kan neihte tana hnathawhna tur, APO State sawrkarin a thehluh thin chu a hun taka hna thawh a nih theihna tur leh thawktuten a hun taka hlawh an lak theihna tura hmalakpui turin a ngen bawk a. EF&CC Minister hian amah ngei pawhin henga thawktute hi ruahsur leh zan khawthim hnuaiah tlawhin, an dinhmunte a hriatpui thu Official-te hi a hrilh a. Sanctuary leh Wildlife-a thawktute hlawh a hun taka pek a nih theihna tura hma lakpui turin a ngen a ni. National Park leh Wildlife Sanctuary-te hi a ram zau zawng ang zela chhutin India ram pumah 5.3% a nih laiin Mizoram-ah chuan 9.48 % a nih thu pawh sawiin, Za zela chhutin India rampum chawhrual ai pawha a cover area a zau avangin Mizoram chu Special Incentive (a bika duhsakna) pe turin a ngen bawk a ni.

TJ. Lalnuntluanga chuan Mizoram-ah Nature Learning Center (NLC) kan la neih loh thu hrilhin, India rama Forest cover/Green area zau zawng za zela chhuta nei sang kan nih avang hian kan mamawhna pawh a sang a ni tiin, NLC din tura dilna thehluh chu pawmpuia sanction pe turin a ngen bawk a ni.

Comments

Popular posts from this blog