Ni khat-a hri kai hmuhchhuah la tlahniam lo

/

Mizoram-ah COVID-19 hri kai ni khat-a hmuhchhuah zat ala tlahniam thei meuh lo a, nimin tlai thleng khan hri kai enkawllai pawh mi 1102 an la awm a ni.

Niminpiah khan Mizoram-ah Sample 780 enfiah niin heng atang hian COVID-19 hri kai mi 209 hmuh an ni a, Sample enfiah atanga chhutin za zela 26.79 te chuan hri an kai a ni. Niminpiah a hri kai hmuhchhuah zinga 207 te hi Rapid Antigen Test hmanga Sammple enfiah atanga hri kai hmuh te an ni a, ZMC-a RT-PCR Laboratory atangin hri kai pakhat hmuh niin TrueNat Laboratory atangin hri kai mi pakhat hmuh a ni bawk a ni.

Niminpiah-a Mizoram-a hri kai hmuhchhuah zingah Aizawl District atanga hri kai hmuhchhuah tam berin mi 50 hmuh an ni a, Lunglei District-ah hri kai mi 46 hmuh niin Kolasib District-ah 27, Mamit District-ah 26, Serchhip District-ah 16, Khawzawl District-ah 12, Champhai District-ah 11, Saitual District-ah 9, Hnahthial District-ah 5, Siaha District-ah 4 leh Lawngtlai District-ah mi pathum te an ni.

Nimin khan Mizoram District 10 atangin COVID-19 hri kai mi 223 te chu anmahni enkawlna hmun atanga chhuahtir an ni ve leh bawk a, heti hian nimin tlai thlenga Mizoram-a COVID-19 hri kai hmuh tawh chu 2,33,751 niin an zinga 2,31,938 te chu enkawl dam an ni tawh a, hri kai hmuh atanga chhutin zaa 99.22 niin hri kai enkawllai 1102 an awm bakah hri kai zingah mi 711 an boral tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »