Latest News

District 2-ah ‘Family Oriented SEDP’ tlangzarh a ni

Mizoram Sawrkar Flagship Programme - Socio Economic Development Programme (SEDP) hnuaia ‘Family Oriented SEDP’ tlangzarhna hun chu nimin khan Lunglei-ah neih a ni.

Convention Centre Lunglei-a ‘Family Oriented SEDP’ tlangzarhna hun hi Agriculture Minister C. Lalrinsanga chuan a hmanpui a ni. Lunglei District-ah hian Assembly bial 6 awmin SEDP tanpuina dawng tur mi 9000 an awm dawn a, AH&Vety Department-ah 4279, Agriculture Department-ah 1155, Commerce & Industries Department-ah 1755, Fisheries Department-ah 194, Horticulture Department-ah 500, Land Resources, Soil & Water Consevation Department-ah 1059, Sericulture Department-ah 30, UD & PA Department-ah 25 leh Tourism Department-ah mi 3 te an ni.

Siaha-ah pawh nimin khan ‘Family Oriented SEDP’ tlangzarhna hun hman a ni a, Siaha District-ah hian Assembly bial pahnih awmin SEDP tanpuina dawng tur hi mi 1500 ve ve an awm dawn a, AH&Vety Department-ah chhungkaw 2164, Agriculture Department-ah 128, Commerce & Industries Department-ah 435, Fisheries Department-ah 49, Horticulture Department-ah 190, LR, S&WC Department-ah 13, Sericulture Department-ah 2 leh UD&PA Department-ah 19 te an ni.

Comments

Popular News (Last 30 Days)