Dawt hmanga mipui hruaikawina hmanrua ah ngai

MNF Party chuan Mizoram sawrkarin Covid do nan sum seng tlem lutuk anga puanzar chu dawt hmanga mipui hruaikawina tur hmanrua ah an ngai tih an sawi.

Nimin-a thuchhuah an siamah MNF Party chuan Independent MLA Dr. Vanlalthlana’n August 8, 2022-a ZPM Office-a Mizoram sawrkarin Covid do nan sum seng tlem lutuk anga a puangzar chu dawt hmanga mipui hruaikawina tur hmanrua ah an ngai tih tarlangin, Chanchinbu thenkhatah phei chuan Covid do nan Dr.Vanlalthlana thusawi kha la chhawngin State Budget atanga cheng khat pawh hmang lo anga chhuah a ni hial chu pawi an tih thu leh hriatthiam harsa an tih thu an tarlang a. Hripui leng do nan hian kum 2020- 2021 inkarah khan .30% State Budget atanga sen a nih thu leh hei hi cheng vbc. 30 chuang lai niin kum 2021-2022 inkarah .64% Covid do nan hman niin chu chu cheng vbc. 70 chuang lai a ni bawk tih an tarlang a ni.

MNF chuan Hripui leng avang hian India ram mai ni lo, khawvel pumin harsatna a tawh avangin Mizoram sawrkar pawhin Central atanga a sum hmuh tur cheng vbc. 2000 chuang lai a hmu lo tih an tarlang a. Hetianga harsatna sum leh pai-ah kan tawh lai pawhin sawrkar hnathawk hlawh la lo pawh an awm lo leh mipui mamawh zualpui nghei lova Vawiin thlenga kan kal thei chu ropui an tih thu leh Finance changtu Chief Minister Zoramthanga remhriatna leh thawhrim zia lanna ah an ngaih thu an tarlang a ni.

Comments

Popular posts from this blog

Volleyball S/F khel dawn