Mipuite min beiseina a sang - K. Sapdanga

ZPM Working President K. Sapdanga chuan, “Mipuiten sawrkar tha din tura min beiseina hi a sang takzet a ni,” a ti.

ZPM Aizawl City Block Executive Committee nimin-a Central Hall, Venghlui Aizawl-a neih ah he thu hi sawiin ZPM Working President chuan, “Sawichhiatna tinreng karah, Zoram mipuite hian kan auhla, Kalphung Thar hi kan ti tak tak ngam dawn em tih min enchhin an tum a ang sawt hle. Mipuiten Sawkar tha din turin min beiseina hi a sang takzet a ni,” a ti a. Anmahni lam pawhin sawrkar tha siam thei tura chakna petu chu Pathian a ni tih an hre reng tur a ni tih a sawi bawk.

ZPM Working President chuan an kalsualna laka vengtu tur Val Upa Council an nei chu an vannei em em tih pawh sawiin, “Keini chuan kan hrethiam a, kan ngai hlu,” a ti a. Val Upate chuan sawrkar an control dawn lo tih sawiin, “Sawrkar an uap ang a, sawrkar hotute kalsual palh tur fim takin an veng ang. Kamrula-te hminga mipui sum chheprelh ching soawrkar hotute zingah an awm lohna turin sawrkar an lo uap mai dawn a ni. Val Upate lakah hi chuan, 'Its my Life' tih a rem dawn lo a, chu kalphungah chuan ZPM hi a intulut a ni,” tiin an dinhmun thlirin nakum a inthlanpui neih tur chu a phurawm hle tih a sawi bawk.

Comments

Popular posts from this blog

Volleyball S/F khel dawn