COVID-19 kai enkawllai mi 910 awm mek

/

Niminpiah khan Mizoram-ah COVID-19 hri kai 135 hmuh belh leh niin hri kai enkawllai mi 910 an awm mek.

Niminpiah khan Mizoram hmun hrang hrangah Sample 534 enfiah niin heng atang hian COVID-19 hri kai mi 135 hmuh an ni a, Sample enfiah atanga chhutin za zela 25.30 te chuan hri an kai a ni. Heng hri kai hmuh te hi Rapid Antigen Test hmanga hri kai hmuh te vek niin RT-PCR leh TrueNat Laboratory-ah Sample enfiah a awm lova, hri kai hmuh te hi Lunglei District-ah 56, Champhai District-ah 26, Siaha District-ah 24, Aizawl District-ah 8, Lawngtlai District-ah 7, Serchhip District-ah 6, Saitual District-ah 3, Kolasib leh Mamit District-ah mi pahnih ve ve leh Hnahthial District-ah mi pakhat te an ni.

Nimin khan Mizoram District 9 atangin hri kai enkawl dam mi 264 lai an awm belh ve leh bawk a, heti hian nimin tlai thleng khan Mi-zoram-a COVID-19 hri kai hmuhchhuah tawh chu 2,34,522 niin an zinga 2,32,897 te chu enkawl dam ni tawhin hri kai hmuhchhuah zinga za zela 99.31 te chu enkawl dam an ni tawh a, hri kai enkawllai mi 910 an awm mek a, hri kai zingah mi 715 an boral tawh bawk a ni.

Nimin tlai thleng khan District tinah COVID-19 hri kai enkawllai an la awm a, Lunglei District-a hri kai enkawllai tam berin mi 258 enkawl an ni a, Aizawl District-ah mi 204 enkawl mek niin hri kai enkawllai tlemna ber Hnahthial District-ah mi 14 enkawl an ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »