COVID-19 hri kai enkawllai mi 643 la awm mek

Pathianni khan Mizoram-ah COVID-19 hri kai mi 50 hmuh belh leh niin nimin khan hri kai enkawl dam mi 643 an awm thung.

Niminpiah khan Mizoram-ah Sample 151 enfiah niin heng atang hian COVID-19 hri kai mi 50 hmuh an ni a, Sample enfiah atanga chhut chuan za zela 33.11 te chuan hri an kai a ni. Heng hri kai hmuhchhuah 50 zinga 49 te hi Rapid Antigen Test hmanga hri kai hmuhchhuah niin midang pakhat hi TrueNat Laboratory atanga hmuh a ni a, Lunglei District-ah 19, Saitual District-ah 12, Aizawl District-ah 10, Champhai District-ah 8 leh Mamit District-ah mi pakhat te an ni.

Nimin khan Mizoram-ah COVID-19 hri kai enkawl dam mi 226 an awm belh leh bawk a, heti hian nimin thlenga Mizoram-a COVID-19 hri kai hmuhchhuah chu 2,35,229 tling tawhin an zinga 2,33,869 te chu enkawl dam an ni tawh a, hri kai hmuhchhuah atanga chhutin za zela 99.42 te enkawl dam ni tawhin hri kai enkawllai mi 643 an la awm a, hri kai zingah mi 717 an boral tawh bawk a ni.