COVID-19 hri kai enkawllai mi 608 awm mek

Niminpiah khan Mizoram-ah COVID-19 hri kai mi 153 hmuh belh leh niin nimin tlai thlengin Mizoram-ah COVID-19 hri kai enkawllai mi 608 an la awm.

Niminpiah khan Mizoram-ah Sample 809 enfiah niin heng atang hian COVID-19 hri kai mi 153 hmuh an ni a, Sample enfiah atanga chhutin za zela 18.91 te chuan hri an kai a ni. Niminpiah a hri kai hmuh thar mi 153 zinga 152 te hi Rapid Antigen Test hmanga Sample enfiah 804 atanga hmuh te an ni a, ZMC-a RT-PCR Laboratory atanga Sample enfiah 4 atangin hri kai mi pahnih hmuh niin TrueNat Laboratory-ah Sample enfiah pakhat awmin hri a kai lo thung. Niminpiah a hri kai hmuh thar te hi Lunglei District-ah 42, Aizawl District-ah 36, Champhai District-ah 23, Mamit District-ah 16, Lawngtlai District-ah 11, Siaha leh Saitual District-ah mi 9 ve ve, Serchhip District-ah mi 3, Hnahthial District-ah mi pahnih leh Kolasib leh Khawzawl District-ah mi pakhat ve ve te an ni.

Nimin khan Mizoram-ah COVID-19 hri kai mi 142 te chu an-mahni enkawlna atangin chhuahtir an ni leh a, heti hian nimin tlai thlenga Mizoram-a COVID-19 hri kai hmuhchhuah tawh chu 2,35,682 niin an zinga 2,34,357 te chu enkawl dam an ni tawh a, hri kai hmuh atanga za zela 99.44 te enkawl dam ni tawhin hri kai enkawllai mi 608 leh hri kai boral mi 717 an awm tawh a ni.