Central Scheme-a hamthatna puanzarna hun neih a ni

Labour, Employment, Skill Development & Entrepreneurship (LESDE) Department chuan nimin khan Aizawl-a Vanapa Hall-ah Central Sawrkar atanga dawn theih hamthatna Scheme hrang hrang puanzarna hun an buatsaih.

Central YMA leh Common Service Centre (CSC) te nen tangkawpa he hun buatsaih ah hian Pradhan Mantri Shram Yogi Maan-Dhan (PM-SYM), National Pension Scheme (NPS-Traders) & e-SHRAM’ Scheme vawrhlar a nih theihna tur leh beneficiary ten an lo hriatchian theihna tura inzirtirna leh puanzarna neih a ni a, Aizawl khawpui chhunga Branch YMA tin aiawh pakhat theuh bakah Common Service Centre (CSC) tin leh Trade Union te atangin mi 130 vel an tel a ni.

PM-SYM& NPS Traders leh e-Shram Portal hi Sawrkar laipui hnuaia Ministry of Labour & Employment hmalakna a ni a, hei hian a tum ber chu mahni kutkawiha eizawnna hna thawktute dinhmun chawikan leh hlawk zawka hna an thawh theih nan te, vanduaina leh chhiatna an tawh palh pawha hamthatna an dawn theihna tur leh hnathawktu a lo upat huna thla tin pension pek te a ni. Hamthatna dawng thei tur hian Veng leh khaw tina Common Service Centre (CSC) ah inziahluh a, ngaihven theih a ni bawk.